"ბარსელონა" ანტი-მადრიდულ პუნქტს ითხოვს
როგორც მოგეხსენებათ, "ბარსელონას" ოფიციალურმა გვერდმა ნეიმარის სურვილი კლუბის დატოვების შესახებ გუშინ დააადასტურა. ხოსეპ მარია ბართომეუმ არაერთხელ აღნიშნა, რომ პსჟ-ს გამოსასყიდი თანხის, ანუ 222 მილიონის სრულად გადახდა მოუწევს. თუმცა პარიზელები მოლაპარაკებებს ცდილობენ.
ნეიმარსაც და "პარი სენ-ჟერმენსაც" კატალონიელებთან შეთანხმების მიღწევა ძალიან წაადგებათ. ფრანგებს ნეიმარის ტრანსფერი დაახლოებით 300 მილიონამდე უჯდებათ, თუ ისინი გამოსასყიდ თანხას გადაიხდიან. თავის მხრივ, მათ დეტალურად მოუწევთ იმის ახსნა, თუ საიდან გამოიმუშავა კლუბმა ეს თანხა და იმის დამტკიცებაც, რომ ფინანსური ფეარ ფლეის წესები არ დაურღვევია, რაც ნეიმარის ინტერესებშიც შედის.
"ბარსელონამ" კი შეიძლება ეს თავის სასარგებლოდ გამოიყენოს. პირველ რიგში, ტრანსფერში ჩართოს დი მარია, ვერატი ან დრაქსლერი. ამასთან, კატალონიელებმა შეიძლება ნეიმარის კონტრაქტში ანტი-მადრიდული პუნქტის ჩადება მოითხოვონ. შეგახსენებთ, რომ ფეხბურთელი ჯერ კიდევ 25 წლისაა და "ბლაუგრანას" არ სურს, იგი მომავალში მოსისხლე მტრის რიგებში იხილოს.
ამ სიახლეზე კომენტარები გათიშულია.
კომენტარები [ 26 ]