საუკეთესოობისთვის მხოლოდ ლიონელ მესი იბრძოლებს

ცოტა ხნის წინ UEFA-მ ის 12 ფეხბურთელი დაასახელა, რომლებიც ჩემპიონთა ლიგის გასული სეზონის საუკეთესო მეკარის, მცველის, ნახევარმცველისა და თავდამსხმელის წოდებისთვის იბრძოლებენ.

"ბარსელონადან" საუკეთესოთა შორის მხოლოდ ლიონელ მესი მოხვდა.

კანდიდატების სია ასე გამოიყურება:

• მეკარე: ჯანლუიჯი ბუფონი, მანუელ ნოიერი, იან ობლაკი
• მცველი: ლეონარდო ბონუჩი, მარსელო, სერხიო რამოსი
• ნახევარმცველი: კაზემირო, ტონი კროოსი, ლუკა მოდრიჩი
• თავდამსხმელი: პაულო დიბალა, ლიონელ მესი, კრიშტიანუ რონალდუ

მარკ-ანდრე ტერ შტეგენმა, მეკარეებს შორის, მე-6 ადგილი დაიკავა. ჟერარ პიკე მცველებში მე-9 პოზიციაზე გავიდა, ანდრეს ინიესტას ნახევარმცველებში მე-7 ადგილი ერგო, ხოლო ნეიმარი თავდამსხმელებში მეექვსეზე გავიდა.

გამარჯვებულთა ვინაობა ცნობილი 24 აგვისტოს გახდება.