"ლივერპული" "ბარსელონას" შეთავაზებების განხილვაზე უარს აცხადებს

უსმან დემბელეს პრეზენტაციაზე "ბარსელონას" სპორტულმა დირექტორმა, რობერტ ფერნანდესმა განაცხადა, რომ მას კიდევ 1 ან 2 ტრანსფერის გაჩარხვა სურს. გავრცელებული ცნობებით, იგი კოუტინიოსა და დი მარიას გულისხმობდა, თუმცა სატრანაფერო ფანჯარა მალე იხურება და აღნიშნულ ოპერაციებში წინსვლა არ ჩანს.

კოუტინიოს საქმეში კედელი, რომელშიც "ბარსას" ვერც ერთი წინადადება ვერ აღწევს, მერსესაიდული კლუბია. კატალონიელები უკვე ორი თვეა ინგლისელთა დარწმუნებას ცდილობენ ბრაზილიელის გაყიდვაზე, მაგრამ იურგენ კლოპის უარი მოლაპარაკებების პროცესს ძალზედ ართულებს.

თავად ფეხბურთელი კი, რომელსაც ოფიციალური მიზეზით ზურგის მიკრო ტრავმის გამო "ლივერპულის" მაისურით წელსარც ერთი ოფიციალური შეხვედრა არ ჩაუტარებია და რომელმაც რამდენიმე კვირის წინ მოითხოვა ტრანსფერზე დაყენება, ახლა ეროვნულ ნაკრებზეა კონცენტრირებული. მისი სურვილი კი არ შეცვლილა - კოუტინიოს "ლივერპულის" მაისურის მორგება არ უნდა.

კატალონიელები მზად არიან შეთავაზება ბონუსების სახით 150 მილიონამდე გაზარდონ და იმედი აქვთ, თუნდაც სატრანსფერო ფანჯრის ბოლო წითებზე "ლივერპული" ამ თანხას დასჯერდება.

"ბლაუგრანას" ასევე 29 წლის ანხელ დი მარიასაც უკავშირებენ. პარიზელები არგენტინელის სანაცვლოდ 50 მილიონ ევროს ითხოვენ, "ბარსას" კი ამ თანხის შემცირების მიზნით ოპერაციაში ფეხბურთელის ჩართვა სურს.