სერჟი სამპერი: ბუსკეტსის შეცვლა მხოლოდ მე შემეძლო
"ბარსელონადან" "ლას პალმასში" განათხოვრებული ახალგაზრდა საყრდენი ნახევარმცველი სერჟი სამპერი აცხადებს, რომ მას კატალონიურ კლუბში დარჩენის იმედი ბოლომდე ჰქონდა.
"ბოლო წუთამდე იმედი მქონდა, რომ პირველ გუნდში დავრჩებოდი, რადგან "ბარსელონას" სხვა ფეხბურთელი არ ჰყავს, რომელსაც სერხიო ბუსკეტსის პოზიციაზე თამაში შეუძლია. ვალვერდემ მითხრა, რომ ჩემზე იმედებს ამყარებდა. ამის მიუხედავად, სათამაშო დროის საკითხი გადაწყვეტილი არ იყო.
ახლა, "ბარსელონაში" დაბრუნებაზე არ ვფიქრობ. მინდა, "ლას პალმასში" ვითამაშო და ფეხბურთისგან სიამოვნება მივიღო.
ჩემი თამაშის სტილს შეგვიძლია ვუწოდოთ "ბარსას სტილი" და ვფიქრობ, "ლას პალმასი" ამ სტილთან ადაპტაციას მოახერხებს.
ჩემი პრიორიტეტი ყოველთვის "ბარსელონაში" დარჩენა იყო. ზაფხულში თავდაუზოგავად ვმუშაობდი და კარგი წინასასეზონო მზადება გამომივიდა. წასვლა ყოველთვის რთულია, როცა ამ გუნდში თამაშზე მთელი ცხოვრებაა ოცნებობ, მაგრამ ამასთან შეგუება მომიხდა.
შესაძლოა, მწვრთნელები "ბარსელონა ბ"-ს ფეხბურთელებს შანსს არ აძლევენ, რის გამოც, პირველ გუნდში აკადემიის აღზრდილთა ნაკადმა იკლო." - განაცხადა სამპერმა RAC1-თან ინტერვიუში.
ამ სიახლეზე კომენტარები გათიშულია.
კომენტარები [ 24 ]