ტერ შტეგენმა ბარსელონაში მე-100 მატჩი ჩაატარა

"ხეტაფესთან" გუშინ გამართული შეხვედრა "ბარსელონას" გოლკიპერისთვის, მარკ-ანდრე ტერ შტეგენისთვის საიუბიოლეო აღმოჩნდა. 25 წლის გერმანელმა ფეხბურთელმა კატალონიურ გრანდში მე-100 მატჩი ჩაატარა.

ტერ შტეგენი "ბარსელონაში" 2014 წელს "მიონხენგლადბახიდან" გადავიდა. მან 100 თამაშში 96 გოლი გაუშვა - 41 ესპანეთის ჩემპიონატში, 31 ჩემპიონთა ლიგაზე, 11 ესპანეთის თასზე, 9 ესპანეთის სუპერ თასზე, 4 უეფა-ს სუპერ თასზე. ამასთანავე, მეკარემ კარი მშრალად 40-ჯერ შეინახა.

ტერ შტეგენი წელს შესანიშნავ ფორმაშია. "ხეტაფესთან" მატჩამდე ამ სეზონში მას გოლი გაშვებული არ ჰქონდა. გერმანელმა კარის დარაჯმა "ბეტისთან", "ალავესთან", "ესპანიოლთან" და "იუვენტუსთან", 450 წუთი, კარი მშრალად შეინახა.