"ბარსას" ლა ლიგიდან გაგდების შემთხვევაში, შესაძლოა, ესპანეთის ნაკრები მსოფლიოს ჩემპიონატიდან მოკვეთონ

Marca საინტერესო ინფორმაციას ავრცელებს: კატალონიის მიერ დამოუკიდებლობის მოპოვების შემთხვევაში, თუ პრიმერა დივიზიონის ხელმძღვანელობამ "ბარსელონას" ლა ლიგაში თამაშის უფლება არ მისცა, შესაძლოა, FIFA-მ ესპანეთის ნაკრები მსოფლიო ჩემპიონატიდან მოკვეთოს.

მადრიდელი ჟურნალისტების ცნობით, არაა გამორიცხული, ასეთი ქმედება FIFA-მ ხელისუფლების წარმომადგენელთა მხრიდან ფეხბურთში ჩარევად შეაფასოს, რაც დაუშვებელია და ასეთ შემთხვევაში, ნაკრების ოფიციალური მატჩებიდან მოკვეთაა გათვალისწინებული.

კატალონიაში, დამოუკიდებლობის რეფერენდუმი დღეს იმართება.