ოფიციალურად: ანდრეს ინიესტა უვადო კონტრაქტს გააფორმებს

დღეს, პარასკევს, ცნობილი გახდა, რომ "ბარსელონას" კაპიტანი, ანდრეს ინიესტა კატალონიურ კლუბთან უვადო კონტრაქტს გააფორმებს.

ხელშეკრულების გაფორმების ოფიციალური ცერემონია დღეს, "კამპ ნოუზე" გაიმართება.

პირველ გუნდში ინიესტას დებიუტი 2002 წლის 29 ოქტომბერს შედგა. "ბარსელონას" მაისურით მან 639 მატჩი ჩაატარა და 55 გოლი გაიტანა.

2015 წლიდან, ჩავი ერნანდესის წასვლის შემდეგ, ინიესტა კლუბის კაპიტანია.

33 წლის ნახევარმცველი "ბარსელონაში" 1996 წელს, 12 წლის ასაკში ჩაირიცხა. ლეო მესისთან ერთად ის "ბარსას" ისტორიაში ყველაზე ტიტულიანი მოთამაშეა, 30 თასით.