EMD: ლივერპული ზამთარში კოუტინიოს გასაყიდად მზადაა

"ლივერპულის" ნახევარმცველი, ფილიპე კოუტინიო იანვრის სატრანსფერო ფანჯარაზე, შესაძლოა, "ბარსელონაში" გადავიდეს, რომელსაც მისი შეძენა გასულ ზაფხულში სურდა.

El Mundo Deportivo-ს ინფორმაციით, ბრაზილიელი ფეხბურთელი მერსესაიდელებს შეუთანხმდა, რომ კარგი შეთავაზების შემთხვევაში ისინი მას კატალონიურ კლუბში გაუშვებენ, რადგანაც ამ სეზონში, კოუტინიომ "ლივერპულის" მაისურით უკვე ითამაშა ჩემპიონთა ლიგაზე და მათ წინააღმდეგ მოედანზე გასვლას ვერ შეძლებს, თუ "ბარსელონა" პლეი-ოფში ინგლისელებს დაუპირისპირდება.