ესპანეთის ნაკრების შემადგენლობაში "ბარსელონელებმა" გაიბრწყინეს

გუშინ, ესპანეთის ნაკრები კოსტა-რიკას დაუპირისპირდა და მეტოქე გამანადგურებელი ანგარიშით, 5-0 დაამარცხა. შეხვედრამ განსაკუთრებით კარგად ჩაიარა "ბარსელონას" წარმომადგენლების, კერძოდ კი ჟორდი ალბას და ანდრეს ინიესტასთვის.

ცენტრალურ ამერიკელთა განადგურება სწორედ ალბამ დაიწყო, რომელმაც ანგარიში შეხვედრის მე-6 წუთზე გახსნა დავიდ სილვას პასის შემდეგ. სილვამ ამის შემდეგ დუბლი შეასრულა, გაიტანა ასევე ალვარო მორატამაც, საბოლოო ანგარიში კი ანდრეს ინიესტამ დააფიქსირა.

ინიესტა, რომელსაც მოედანზე 90 წუთის გატარების საშუალება ხშირად არ ეძლევა, შეხვედრაში ერთ-ერთი საუკეთესო იყო. მატჩში მონაწილეობა მიიღო კიდევ ორმა "ბარსელონელმა", ჟერარ პიკემ და სერხიო ბუსკეტსმა. ორივე მათგანი ხულენ ლოპეტეგიმ მოედნიდან მეორე ტაიმში გაიყვანა.