"მანჩესტერ სიტი" მესის არარეალური რაოდენობის თანხას სთავაზობდა

Marca ავრცელებს ინფორმაციას იმასთან დაკავშირებით, რომ იქამდე, სანამ ლიონელ მესი "ბარსელონასთან" კონტრაქტს გაახანგრძლივებდა, მას შემოთავაზება "მანჩესტერ სიტიდან" ჰქონდა და საქმე თითქმის არარეალური რაოდენობის თანხას ეხებოდა.

გვარდიოლას გუნდი არგენტინელს გადასვლის შემთხვევაში 100 მილიონ ევროს სთავაზობდა, ასევე ხელფასის სახით კვირაში 850 ათას ევროს. ეს იმას ნიშნავს, რომ მესი მანჩესტერში გატარებული ერთი სეზონისთვის 150 მილიონს გამოიმუშავებდა. თუმცა, როგორც მოსალოდნელი იყო, ყველაფერი "ბარსელონას" გულშემატკივრებისთვის კარგად დასრულდა.

ბოლოს ესპანურმა გამოცემამ ისიც აღნიშნა, რომ შეიხი მანსური არ ხუმრობს.