2:0 - ყველაზე სახიფათო ანგარიში "ანოეტაზე"

"ბარსელონასა" და "სოსიედადს" შორის "ანოეტაზე" ბოლო წლებში გამართულ მატჩებს ერთი უცნაურობა ახასიათებს - ანგარიშით 2:0 დაწინაურება ძალიან სახიფათოა.

2007 წლის 5 მაისის შემდეგ, სან სებასტიანში ამ გუნდებს შორის გამართულ დაპირისპირებებში სულ 2-ჯერ მოხდა, რომ ერთი გუნდი ანგარიშით 2:0 დაწინაურდა. ერთხელ ამ გუნდმა ქულა აიღო, 2-ჯერ კი - ქულაც ვერა.

2011 წლის 10 სექტემბერს, "ანოეტაზე" გამართული შეხვედრის მე-10 წუთზე, "ბარსელონა" ჩავისა და ფაბრეგასის გოლებით 2:0 იგებდა, მაგრამ მატჩი 2:2 დასრულდა.

2013 წლის 19 იანვარს, კატალონიელებს შეხვედრის პირველი ორი გოლის გასატანად 24 წუთი დასჭირდათ. თავი მესიმ და პედრომ გამოიჩინეს. თუმცა, მასპინძლებმა მეტოქეს 3 ბურთით უპასუხეს და "ბარსა" შინ უქულოდ დაბრუნდა.

მორიგი შემთხვევა, როდესაც "ბარსელონასა" და "სოსიედადს" შორის "ანოეტაზე" გამართულ მატჩში რომელიმე გუნდმა 2:0 დაწინაურება მოახერხა, გუშინ დაფიქსირდა. მე-11 და 34-ე წუთებზე ვილიან ჟოზესა და ხუანმის მიერ გატანილი გოლებით "სოსიედადმა" სოლიდური უპირატესობა მოიპოვა. თუმცა, "ბარსამ" ერთ ბურთი პირველ ტაიმში, პაულინიოს ზუსტი დარტყმით გაქვითა, მე-2 ნახევარში კი, სუარესმა დუბლი გაიფორმა, მესიმ ერთი გოლი გაიტანა და კატალონიელებმა 4:2 მოიგეს.

ასე რომ, თუ "ანოეტაზე" მოგება გინდა, ანგარიშის გახსნის შემდეგ, მე-2 გოლის გატანაზე თავი დიდად არ უნდა გამოიდო.