პიკე ახალ კონტრაქტს ხელს ორშაბათს მოაწერს

ცნობილი გახდა, რომ ჟერარ პიკე "ბარსელონასთან" ახალ კონტრაქტს ოფიციალურად ხელს ორშაბათს მოაწერს. კონტრაქტის მიხედვით, 30 წლის მცველი კატალონიურ გრანდში 2022 წლის 30 ივნისამდე დარჩება, მისი გამოსასყიდი თანხა კი 500 მილიონი ევრო იქნება.

ცერემონია, რომელიც ხელის მოწერას, "კამპ ნოუზე" სიმბოლურად ფოტოების გადაღებას და პრეს-კონფერენციას მოიცავს, თბილისის დროით 4 საათზე დაიწყება. მისი ნახვა პირდაპირ ეთერში კლუბის ოფიციალურ გვერდებზე შეგეძლებათ.