მილან შკრინიარი 3 ტოპ კლუბის რადარზეა

ევროპული ფეხბურთის ლიდერები მილან შკრინიარის ირგვლივ განვითარებულ მოვლენებს ყურადღებით აკვირდებიან. Football Italia-ს ინფორმაციით, ახალგაზრდა მცველი "მანჩესტერ სიტის", "ბარსელონასა" და "რეალის" რადარზეა.

სამივე კლუბი დაინტერესდა იმ ფაქტით, განიხილავს თუ არა "ინტერი" 22 წლის მოთამაშის ტრანსფერის თაობაზე მიღებულ წინადადებებს.

ჭორების თანახმად, "ნერაძურის" გეგმებში შკრინიარის გაყიდვა არ შედის, მაგრამ მომგებიანმა წინადადებამ, შესაძლოა, მათ მიდგომა შეაცვლევინოს. "ინტერის" მაისურით ჩატარებულ 23 მატჩში მილანმა 3 გოლის გატანა მოახერხა.