მიზეზები, რომელთა გამოც ალეიშ ვიდალი "ბარსელონაში" რჩება
თუ დღეს რამე გაუთვალისწინებელი არ მოხდა, "ბარსელონას" კატალონიელი უნივერსალი ალეიშ ვიდალი კლუბში სეზონის ბოლომდე დარჩება. ამ ინფორმაციას Sport ავრცელებს.
კატალონიური წყაროს ცნობით, ვიდალის "ბარსელონაში" დარჩენას 2 მიზეზი აქვს.
პირველი ერნესტო ვალვერდეს სურვილია. "ბარსელონას" მთავარი მწვრთნელი 28 წლის ფეხბურთელს რამდენიმე პოზიციაზე იყენებს, რაც, უსმან დემბელეს ტრავმის პირობებში, გუნდისთვის ძალიან სასარგებლოა.
მეორე მიზეზი კი ისაა, რომ "ბარსელონამ" სასურველი წინადადება ვერ მიიღო. ვიდალის დამატებით "რომა" და "სევილია" იყვნენ დაინტერესებულნი, მაგრამ კატალონიელთათვის მომხიბვლელი შეთავაზების გაკეთება ვერცერთმა მოახერხა.
ზამთრის სატრანსფერო ფანჯარა დღეს იხურება. თუ ბოლო საათებში "ბარსელონას" მისთვის მისაღები წინადადებით არ მიმართეს, ვიდალი კლუბში სეზონის ბოლომდე დარჩება.
ამ სიახლეზე კომენტარები გათიშულია.
კომენტარები [ 8 ]