ჟოზეპ ვივესი: ჩვენი მოვალეობაა, კატალონიური დერბის უსაფრთხოდ ჩატარებაზე ვიზრუნოთ
"ბარსელონას" პრეს-მდივანმა, ჟოზეპ ვივესმა "ესპანიოლთან" მოახლოებულ დაპირისპირებაზე ისაუბრა.
"აუცილებელია, ფეირ-ფლეის წესები დავიცვათ. ეს სავალდებულოა იმისთვის, რომ დერბი უკეთესად ჩატარდეს. რა თქმა უნდა, მეტოქის მიმართ დიდი პატივისცემა გვაქვს, მაგრამ ჩვენი გუნდის წევრებს ვიცავთ და არ ვფიქრობთ, რომ მათი განცხადებები "ესპანიოლისთვის" შეურაცხმყოფელი იყო.
"ესპანიოლის" წარმომადგენლებთან კონტაქტი არ გვქონია, მაგრამ დარწმუნებული ვარ იმაში, რომ ისინიც იზრუნებენ შეხვედრის უსაფრთხოდ ჩატარებაზე".
ვივესმა კომენტარი "კამპ ნოუსთან" დაკავშირებითაც გააკეთა. "ბარსელონას" საშინაო არენაზე გამართულ მატჩებზე დასასწრებად ბოლო რამდენიმე თვეა, სულ უფრო ცოტა გულშემატკივარი მიდის.
"ამ მხრივ პრობლემა ნამდვილად გვაქვს. ამის გამომწვევი ბევრი ფაქტორი არსებობს, "კამპ ნოუზე" გულშემატკივართა ნაკლებობის ერთი კონკრეტული მიზეზის დასახელება შეუძლებელია.
ივნისში სპეციალურ გამოკვლევას ჩავატარებთ და ამ საკითხზე ვიზრუნებთ".
ამ სიახლეზე კომენტარები გათიშულია.
კომენტარები [ 7 ]