ვინ ითამაშებს დაცვის ცენტრში "ხეტაფეს" წინააღმდეგ?
"ბარსელონა", "ხეტაფესთან" ხვალ გასამართ დაპირისპირებას, სერიოზული პრობლემებით ხვდება - კატალონიელთა პირველ გუნდში მხოლოდ ერთი ხელმისაწვდომი ცენტრალური მცველია.
ჟერარ პიკე და ტომას ვერმალენი ტრავმირებულები არიან, სამუელ უმტიტი - დისკვალიფიცირებული. ეს ნიშნავს, რომ ვალვერდეს მხოლოდ ერთი ცენტრალური მცველი რჩება - იერი მინა, რომელსაც "ბარსელონას" მაისურით მოედანზე მხოლოდ 9 წუთი აქვს გატარებული.
კატალონიურ კლუბში თამაშის გამოცდილების ნაკლებობის მიუხედავად, ეჭვი არავის ეპარება, რომ მინა "ხეტაფესთან" მატჩს სასტარტოში დაიწყებს. საკითხავია, ვინ იქნება მისი მეწყვილე.
ერნესტო ვალვერდეს 2 არჩევანი აქვს - ლუკა დინი და სერხიო ბუსკეტსი. დაცვის ცენტრში თამაშის გამოცდილება ორივე მათგანს აქვს. თუმცა, უფრო სავარაუდო მინას გვერდით დინის გამოჩენაა, რადგან ბუსკეტსის უკან დახევა ნახევარდაცვას ასუსტებს.
კიდევ ერთი ვარიანტი "ბარსა ბ"-ს უკანახაზელი დავიდ კოსტასი იყო, მაგრამ მას პარასკევს პირველ გუნდთან ერთად არ უვარჯიშია, რაც იმას ნიშნავს, რომ ვალვერდე ახალგაზრდა ფეხბურთელის ვარიანტს არ განიხილავს.
ამ სიახლეზე კომენტარები გათიშულია.
კომენტარები [ 14 ]