ახალგაზრდა "ბარსელონელებმა" პსჟ დაამარცხეს და 1/4-ფინალში გავიდნენ - VIDEO

ცოტა ხნის წინ, ევროპის ახალგაზრდული ლიგის 1/8-ფინალური დაპირისპირება დასრულდა, რომელშიც ერთმანეთს "ბარსელონა" და "პარი სენ-ჟერმენი" დაუპირისპირდნენ. მატჩი კატალონიელებმა 1:0 მოიგეს და 1/4-ფინალში თამაშის უფლება მოიპოვეს.

"ბარსელონას" შემადგენლობა (4-3-3): პენია, ბრანდარის მოვილია, მირანდა, მინგესა, მორერი, ბალუ ტაბლა (კაბაში 67), კოლიადო, მონჩუ, პერესი, რუისი (ხაიმე 88), პუჩი (კომას ფეიშასი 90).

პარიზში გამართული შეხვედრის ერთადერთი გოლი, 64-ე წუთზე, კარლეს პერესმა გაიტანა. 87-ე წუთზე, მონჩუმ მეორე ყვითელი ბარათი მიიღო და სტუმრები მოედანზე 10 კაცით დარჩნენ, მაგრამ მათ გამარჯვება ხელიდან მაინც არ გაუშვეს.

"ბარსელონას" მომდევნო მეტოქეს ხვალ "ატლეტიკო" და "ბაზელი" გაარკვევენ.