რატომ არ თამაშობს დენის სუარესი?

კატალონიური Sport ავრცელებს მიზეზს, რის გამოც "ბარსელონას" ნახევარმცველი, დენის სუარესი მცირე სათამაშო დროს იღებს. ნახევარმცველი მოედანზე გუნდის ბოლო 10 მატჩში არ გამოჩენილა.

"ბარსელონასა" და "მანჩესტერ სიტის" შორის 2013 წელს გაფორმებულ ხელშეკრულებაში არის პუნქტი, რომლის მიხედვითაც, დენისის მიერ კატალონიური გრანდის მაისურით ჩატარებული ყოველი 10 შეხვედრის შემდეგ, "ბლაუგრანამ" "ქალაქელებს" 800 ათასი ევრო უნდა გადაუხადოს.

ფეხბურთელის სათამაშო პრაქტიკის შემცირებით "ბარსელონა" თანხას ზოგავს.