ანდრეს ინიესტა გუნდთან ერთად ვარჯიშობს

ერნესტო ვალვერდეს შეგირდებმა დღეს მზიან, მაგრამ ქარიან ამინდში "სიუტატ ესპორტივაზე" ივარჯიშეს. 

ვარჯიშს დაუბრუნდა ლიონელ მესი, რომელსაც ფეხბურთელები აპლოდისმენტებით შეხვდნენ და მესამე შვილის შეძენა მიულოცეს. გუნდთან ერთად იყო ანდრეს ინიესტაც, რომელმაც ტრავმა "ატლეტიკოსთან" შეხვედრაში მიიღო და მას შემდეგ მოედანზე არ გასულა. 

"ბარსას" მთავარმა მწვრთნელმა სარეზერვო გუნდის 5 წევრსაც უხმო, კერძოდ: კარლეს ალენიას, ხოსე ანტონიო მარტინესს, სამუ არაუხოს, ვიტინიოს და მარკუს მაკგუეინს.