"მანჩესტერ სიტი" - "ბარსელონას" მომდევნო მეტოქე ახალგაზრდულ ჩემპიონთა ლიგაზე

რამდენიმე წუთის წინ ცნობილი გახდა, რომ "ბარსელონას" 19-წლამდელთა გუნდი, ახალგაზრდული ჩემპიონთა ლიგის 1/2-ფინალში, "მანჩესტერ სიტის" დაუპირისპირდება.

ახალგაზრდა "ქალაქელებმა", "ლივერპულთან" დაპირისპირებაში, ძირითადი დროის 1:1 დასრულების შემდეგ, თერთმეტმეტრიანების სერიაში 3:2 მოიგეს.

"ბარსელონამ" 1/2-ფინალის საგზური გუშინ მოიპოვა, როდესაც "ატლეტიკო" 2:0 დაამარცხა.

"ბარსელონასა" და "მანჩესტერ სიტის" ახალგაზრდული გუნდები ერთმანეთს 20 აპრილს დაუპირისპირდებიან.