"ატლეტიკოს" პრეზიდენტი: გრიზმანის შესანარჩუნებლად ყველაფერი გავაკეთეთ

მადრიდის "ატლეტიკოს" პრეზიდენტი ენრიკე სერესო, ანტუან გრიზმანთან დაკავშირებით კომენტარს აკეთებს. მის სიტყვებში იგრძნობა, რომ პრეზიდეტს ფრანგი თავდამსხმელის შენარჩუნების იმედი გადაწურული აქვს.

"ყველაფერი გავაკეთეთ რაც შეგვეძლო იმისათვის, რომ გრიზმანი შეგვენარჩუნებინა და მასთან ახალი კონტრაქტი გაგვეფორმებინა." - აცხადებს სერესო.

ბოლო დღეებში ცნობილი გახდა, რომ გრიზმანმა "ატლეტიკოსთან" ახალი კონტრაქტის გაფორმებაზე უარი თქვა. ასევე ვრცელდება ინფორმაცია, რომ 27 წლის ფეხბურთელის ზაფხულში "ბარსელონაში" გადასვლა გადაწყვეტილია.