საულ ნიგესი: ბუსკეტსის კარგი თამაში მხოლოდ ტექნიკის დამსახურება არაა
მადრიდის "ატლეტიკოს" ნახევარმცველი, საულ ნიგესი სერხიო ბუსკეტსზე საუბრობს.
"ბუსკეტსის კარგი თამაში მხოლოდ ტექნიკის დამსახურება არაა, ეს იმის ცოდნაა, თუ როგორ იყო თამაშში ჩართული. გვარდიოლას ხელმძღვანელობით ის მაღალ დონეზე თამაშობდა, მაგრამ ახლა მოედანზე კონტროლი აქვს დაწესებული. როცა მის წინააღმდეგ პრესინგია, ის ბურთს კიდევ უფრო კარგად აკონტროლებს, ეძებს სივრცეებს, სწორად არჩევს პოზიციას ისე, რომ ბურთის მისაღებად და შემდეგ პასის გასაკეთებლად ბევრი მოძრაობა არ დასჭირდეს. ამის გაკეთება ადვილი სულაც არ არის. სივრცის ნაკლებობის და ყველა კუთხიდან პრესინგის მიუხედავად ის ბურთის განაწილებას მაინც ახერხებს.
როცა ბურთს იღებს, ბუსკეტსმა თითქოს წინასწარ იცის, რომელი მხრიდან იქნება მასზე ზეწოლა. ხანდახან, პირველივე შეხებით ისეთ პასს აკეთებს, რომელსაც გუნდის დანარჩენი ფეხბურთელები მაშინვე შეტევად აქცევენ. თუ ხვდება, რომ მოთამაშეს, რომელსაც ბურთს აწვდის, შესაძლოა, შეტევა არ გამოუვიდეს, პასს უკან აკეთებს, იმ ფეხბურთელისკენ, რომლისგანაც ბურთი თავად მიიღო.
ასეთი მოქმედების გამო მოთამაშეებს ხშირად აკრიტიკებენ, მაგრამ მე ვფიქრობ, რომ როცა ამას აკეთებ, მეტოქე შენთან მოდის და თანაგუნდელს მეტი სივრცე ეძლევა". - ამბობს საული El País-თან ინტერვიუში.
ამ სიახლეზე კომენტარები გათიშულია.
კომენტარები [ 6 ]