"ბარსა"-"ვალენსიას" თარიღი და დრო ცნობილია

ცნობილი გახდა, რომ ლა ლიგის 32 ტურში, "ბარსელონას" და "ვალენისას" დაპირისპირება 15 აპრილს, თბილისის დროით 17 საათსა და 15 წუთზე დაიწყება. ეს მატჩი ამ ორ გუნდს შორის სეზონში რიგით მეოთხე იქნება.

პრიმერა დივიზიონის პირველ წრეში "ბარსა" "ვალენსიას" "მესტალიაზე" დაუპირისპირდა და შეხვედრა ფრედ, 1-1 დასრულდა. დანარჩენი ორი შეხვედრა კოპა დელ რეის ნახევარფინალში გაიმართა. ორივე მათგანში კატალონიელებმა გაიმარჯვეს - ჯერ "კამპ ნოუზე" ლუის სუარესის ერთადერთი გოლით, შემდეგ კი სტუმრად, კოუტინიოს და რაკიტიჩის გოლებით. 

იქამდე, "ბარსელონა" 4 თამაშს გამართავს. სანაკრებო პაუზის დასრულების შემდეგ გუნდი ანდალუსიაში გაემგზავრება და "სევილიას" ეთამაშება, ამის შემდეგ საკუთარ მოედანზე "ლეგანესს" მიიღებს, ჩემპიონთა ლიგაზე კი "რომასთან" გაარკვევს ურთიერთობას.