AS: მესი, შესაძლოა, "რომასთან" მატჩისთვისაც ვერ გამოჯანმრთელდეს

დღეს კატალონიის რადიომ გაავრცელა ინფორმაცია, რომ "ბარსელონას" ლიდერი ლიონელ მესი 31 მარტს "სევილიასთან" ვერ ითამაშებს, "რომასთან" მატჩისთვის კი მზად იქნება, თუმცა, AS-ის ინფორმაციით, არგენტინელი, შესაძლოა, რომაელებთან შეხვედრაშიც ვერ ვიხილოთ.

მადრიდელი ჟურნალისტების ცნობით, არსებობს რისკი იმისა, რომ არგენტინელმა ვარსკვლავმა, ბარძაყის კუნთების დაზიანების გამო, ჩემპიონთა ლიგის 1/4-ფინალში "რომასთან" 4 აპრილს გასამართი პირველი მატჩიც გამოტოვოს.

როგორც იცით, მესი არგენტინის ნაკრებს იტალიასა და ესპანეთთან გამართულ ამხანაგურ თამაშებში სწორედ ტრავმის გამო ვერ დაეხმარა.