დანი ალვესი ყველაზე ტიტულიან მოთამაშეთა მწვერვალზე

საფრანგეთის ლიგის თასის ფინალში "პარი სენ-ჟერმენმა" "მონაკოს" 3:0 მოუგო. აღნიშნულ მატჩში შეუცვლელად ითამაშა "ბარსელონას" ყოფილმა განაპირა მცველმა დანი ალვესმა, რომელიც გუშინდელი შეხვედრის შემდეგ ფეხბურთის ისტორიაში ყველაზე ტიტულიანი მოთამაშე გახდა.

• ბრაზილიელ ფეხბურთელს კარიერაში 37 ტიტული აქვს მოპოვებული და აქედან 27 "ბარსელონას" შემადგენლობაში: ჩემპიონთა ლიგა (3), პრიმერა დივიზიონი (6), სამეფო თასი (5), ესპანეთის სუპერ თასი (6), საკლუბო მსოფლიო ჩემპიონატი (3), უეფას სუპერ თასი (4).
• ალვესმა მაქსველს გადაასწრო, რომლის ანგარიშზე 36 ტიტულია. საინტერესოა, რომ "ბარსელონას" ამ ფეხბურთელის კარიერულ წარმატებაშიც მიუძღვის საკმაო წვლილი: ანდრადემ 11 მათგანი სწორედ "ბლაუგრანას" მაისურით მოიპოვა.

შეგახსენებთ, რომ ალვესმა "ბარსელონა" 2016 წელს დატოვა და ტურინის "იუვენტუსს" შეუერთდა.