"ბარსელონას" უმტიტის გამოსასყიდი თანხის გაზრდა სურს

"ბარსელონას" ცენტრალური მცველის, სამუელ უმტიტის გამოსასყიდი თანხა, შესაძლოა, მნიშვნელოვნად გაიზარდოს.

კატალონიელები 24 წლის ფრანგ მოთამაშესთან ახალ კონტრაქტზე მოლაპარაკებებს აგრძელებენ.

როგორც Mundo Deportivo იტყობინება, პირველი ორი შეთავაზება უმტიტის არასაკმარისად მიმზიდველად მოეჩვენა. მას უფრო მეტი თანხის გამომუშავება სურს.

თუმცა, "ბარსა" არაა მზად მცველის ხელფასი მნიშვნელოვნად გაზარდოს, იმის შიშით, რომ გუნდის სხვა ფეხბურთელებიც მოითხოვენ მაღალ ანაზღაურებას.

გარდა ამისა, კატალონიური კლუბი უმტიტის კონტრაქტის გამოსასყიდი თანხის არანაკლებ 250 მილიონ ევრომდე გაზრდას გეგმავს. ამჟამად კი ეს თანხა 60 მილიონ ევროს შეადგენს, ხოლო კონტრაქტის ვადა 2021 წლამდეა ძალაში.