რაკიტიჩი: დუბლის მოგება დიდი წარმატება იქნება
"სევილიასთან" მატჩის წინ, ივან რაკიტიჩმა პრესკონფერენციაზე ისაუბრა და განაცხადა, რომ თუ "ბარსელონა" დუბლის მოგებას შეძლებს, სეზონი ცუდად არ ჩაითვლება.
"გვსურს, ისტორიის წერა გავაგრძელოთ, მაგრამ ეს ადვილი არ იქნება. ხვალ ჩვენ რთული მეტოქე გვეყოლება ლა ლიგის ერთ-ერთი საუკეთესო გუნდის სახით და თუ ტურნირს მოვიგებთ, ამას დიდი ფასი ექნება, დუბლის მოგებას კი - ორმაგი ფასი.
"ბარსელონაში" თამაშის პერიოდში კოპა დელ რეის ყველა გათამაშება მოვიგე და ახლაც ამის გაკეთებაზე ვფიქრობ". - თქვა რაკიტიჩმა.
ხორვატმა ნახევარმცველმა კომენტარი ანდრეს ინიესტას შესაძლო წასვლასთან დაკავშირებითაც გააკეთა.
"როგორც დიდი მეგობარი, მის გადაწყვეტილებას მხარს დავუჭერ, მაგრამ ვფიქრობ, ამ თემაზე არ უნდა ვისაუბროთ, სანამ ის თვითონ არ გაამხელს გადაწყვეტილებას და მიზეზსაც ახსნის".
ამ სიახლეზე კომენტარები გათიშულია.
კომენტარები [ 2 ]