MD: ინიესტა "ჩუნცინ ლიფანის" მოთამაშე გახდება

"ბარსელონას" კაპიტანმა, ანდრეს ინიესტამ უკვე გადაწყვიტა, თუ სად უნდა გააგრძელოს კარიერა.

Mundo Deportivo-ს ინფორმაციით, მიმდინარე სეზონის დასრულების შემდეგ 33 წლის ესპანელი ნახევარმცველი ჩინურ სუპერლიგაში გადავა. დიდი ალბათობით, გამოცდილი ფეხბურთელის ახალი კლუბი "ჩუნცინ ლიფანი" გახდება.

ინიესტამ "ბარსელონაში", საერთო ჯამში, 670 მატჩი ჩაატარა, გაიტანა 57 გოლი და გააკეთა 141 შედეგიანი გადაცემა.