ვარანი "რეალთან" ერთად კატალონიაშია, ისკო განაცხადს მიღმა დარჩა

დღეს, მადრიდის "რეალი" "ბარსელონას" წინააღმდეგ საკმაოდ სერიოზული დანაკლისით ითამაშებს, თუმცა დედაქალაქელებისთვის საქმე იმაზე უკეთესადაა, ვიდრე შეიძლებოდა ყოფილიყო. 

რაფაელ ვარანმა ვარჯიში განაახლა და კატალონიაში გაემგზავრა, ისკო ალარკონი კი ბოლომდე მზად არ არის და ზიდანმა მისი განაცხადში შეყვანა საჭიროდ არ ჩათვალა. როგორც მოსალოდნელი იყო, ბარსელონაში ვერ ჩავიდა დანი კარვახალი, რომელსაც ტრავმა აქვს. 

"რეალის" განაცხადი ასე გამოიყურება: ნავასი, კასილია, ლუკა ზიდანი, ნაჩო, ვარანი, რამოსი, ვალიეხო, მარსელო, ტეო ერნანდესი, კაზემირო, კროოსი, მოდრიჩი, კოვაჩიჩი, სებალიოსი, ასენსიო, ვასკესი, ბეილი, რონალდუ, ბენზემა. 

შეგახსენებთ, რომ შეხვედრა თბილისის დროით 22 საათსა და 45 წუთზე დაიწყება.