რაფინიას მამა: "ბარსელონა" და "ინტერი" პრობლემას მომდევნო კვირაში მოაგვარებენ

"ბარსელონას" საკუთრებაში მყოფი ბრაზილიელი შემტევი ნახევარმცველის, რაფინიას მამა მისი შვილის მომავალზე საუბრობს.

"ამ ეტაპზე, მოვლენების განვითარებას ველოდებით. ჯერ კიდევ არ ვიცით, რა მოხდება. მომდევნო კვირაში "ინტერისა" და "ბარსელონას" წარმომადგენლები ერთმანეთს შეხვდებიან და წარმოქმნილ პრობლემას მოაგვარებენ." - ციტირებს მაზინიოს სიტყვებს Mundo Deportivo.

რაფინიამ, გასული სეზონის მე-2 ნახევარი, "ინტერში" იჯარის წესით გაატარა. მილანელებს მისი შენარჩუნება სურთ, მაგრამ წინასწარ შეთანხმებული 35 მილიონი ევროს გადახდა - არა.