ესპანეთის ნაკრებმა ირანი დაამარცხა და ჯგუფიდან გასვლა თითქმის გაინაღდა [ვიდეო]

მუნდიალის B ჯგუფის მეორე ტურის მატჩში, ყაზანში ესპანეთის ნაკრები ირანს დაუპირისპირდა. მიუხედავად იმისა, რომ ესპანელები უდავო ფავორიტებად მიიჩნეოდნენ, მათ ადვილი გამარჯვება ვერ მოიპოვეს. პირველ ტაიმში და მეორე ნახევრის დასაწყისში ირანი მთელი გუნდით საკუთარ თავს იცავდა და კარის მშრალად შენახვას ახერხებდა, მაგრამ 54-ე წუთზე დიეგო კოშტამ ანგარიშის გახსნა მაინც მოახერხა. ამის შემდეგ ირანელები გააქტიურდნენ და საპასუხო გოლიც გაიტანეს, მაგრამ მსაჯმა ის არ ჩათვალა. საბოლოოდ, შეხვედრა ესპანელთა გამარჯვებით, 1-0 დასრულდა. 

რაც შეეხებათ "ბარსელონას" ფეხბურთელებს, პიკემ, ალბამ და ბუსკეტსმა მოედანზე 90 წუთი გაატარეს, ანდრეს ინიესტა კი მწვრთნელმა 71-ე წუთზე შეცვალა.

ამ ტურის მეორე მატჩში პორტუგალიამ ირანს იგივე ანგარიშით მოუგო. შესაბამისად, მათ და ესპანელებს 4-4 ქულა აქვთ, ირანს 3, მაროკოს კი - 0. 
ჯგუფიდან პირველი ადგილით გასვლისთვის ესპანეთმა მესამე ტურში უმოტივაციო მაროკო ისე უნდა დაამარცხოს, რომ პორტუგალიაზე უკეთესი ბურთების სხვაობა დაუფიქსირდეს. თუმცა, თუ პორტუგალიელებმა ქულები დაკარგეს ესპანეთს, შესაძლოა, 1 ქულაც ეყოს.