Sport: "ბარსელონას" პოლ პოგბა 150 მილიონად შესთავაზეს

"ბარსელონამ" "მანჩესტერ იუნაიტედის" ნახევარმცველის, პოლ პოგბას ფასი გაიგო. ამ ინფორმაციას კატალონიური Sport ავრცელებს.

პოგბას მიერ "მანჩესტერის" დატოვებაზე ბევრი იწერება. ამის მიზეზი 25 წლის ფეხბურთელის გუნდის მთავარ მწვრთნელთან, ჟოზე მოურინიოსთან უთანხმოებაა.

როგორც იცით, პოგბას შეძენის სურვილს "ბარსელონა" გამოთქვამს. წყაროს ცნობით, კატალონიურ კლუბს მსოფლიოს ჩემპიონის ყიდვა 150 მილიონ ევროდ შესთავაზეს. ჯერჯერობით უცნობია, დაინტერესებულია თუ არა "ბარსა" ფრანგი ფეხბურთელის ამხელა თანხად შეძენით.

"ბარსელონა" პაულინიოსა და ანდრეს ინიესტას წასვლის შემდეგ ნახევარმცველს ეძებს. კატალონიელებმა უკვე დაიმატეს არტური, თუმცა ისინი მოედნის ცენტრში მინიმუმ ერთ ფეხბურთელს კიდევ შეიძენენ, რადგან, დიდი ალბათობით, კლუბს ანდრე გომეშიც დატოვებს.

პოგბას გარდა, "ბარსელონას" ადრიან რაბიოსა და ფრენკი დე იონგსაც უკავშირებენ.