"იუვენტუსი" ლუკა დინს აკვირდება

ტურინის "იუვენტუსი" კატალონიის "ბარსელონას" მარცხენა მცველის, ლუკა დინის შეძენის შესაძლებლობას აფასებს. ამ ინფორმაციას RMC Sport ავრცელებს.

წყაროს ცნობით, ტურინელები მზად იქნებიან 25 წლის ფეხბურთელზე შეთავაზება გააკეთონ, თუ ისინი მიმდინარე ზაფხულში დაცვის ერთ-ერთ ლიდერს, ალექს სანდროს დაკარგავენ.

ფრანგი მარცხენა მცველის შეძენას აქტიურად ცდილობს "ევერტონი". ბოლოს გავრცელებული ცნობებით, ინგლისური კლუბის წარმომადგენლები ტრანსფერის შესათანხმებლად ბარსელონაში იყვნენ.

ლუკა დინმა გასულ სეზონში მხოლოდ 20 მატჩში მიიღო მონაწილეობა, 1 გოლი გაიტანა და 2 შედეგიანი გადაცემა გააკეთა.