რაფინია: არტური ჩავის მაგონებს

"ბარსელონას" ნახევარმცველმა, რაფინია ალკანტარამ "ტოტენჰემთან" მატჩის შემდეგ ახალი თანაგუნდელების მიმართ საქებარი სიტყვები არ დაიშურა. 

"არტური მაგონებს... შედარებები არ მიყვარს, მაგრამ ის ბურთს სწორედ ისე ეხება, როგორც ამას ჩავი ერნანდესი აკეთებდა. არტური "ბარსელონასთვის" ძალიან, ძალიან კარგი შენაძენია. 

მალკომიც შესანიშნავი ფეხბურთელია, მას მცველების ბალანსის დარღვევა კარგად გამოსდის, ასევე, მშვენივრად თამაშობს მეტოქის პირისპირ. მისგან ბევრს ველი". - განაცხადა რაფინიამ. 

რაც შეეხება კლუბში მის მომავალს, ბრაზილიელმა თქვა, რომ ამის შესახებ "მხოლოდ ღმერთმა იცის".