"ბარსელონა" განახლებული ფორმით ითამაშებს

"ბარსელონა", 2018/19 წლების ესპანეთის ჩემპიონატის გათამაშებაში სპეციალური სიმბოლიკიანი მაისურებით ითამაშებს. კატალონიელები, როგორც ქვეყნის მოქმედი ჩემპიონები, სხვა გუნდებისგან გამორჩეულები იქნებიან.

სხვა ქვეყნებში არსებული ტრადიცია ესპანეთშიც იგეგმება და ამიერიდან, მოქმედი ჩემპიონი გუნდის ფეხბურთელები სპეციალური სიმბოლიკით ითამაშებენ. ეს არის ლა ლიგის ლოგო ოქროსფერში გადაწყვეტილი, რომელზეც ჩემპიონატის ბოლოს მოგების წლებია დატანილი.

ახალი სიმბოლიკა "ბარსას" მაისურის მარჯვენა მხარს დაამშვენებს.

"ბარსა" განახლებული ფორმით პირველად შაბათს, "ალავესთან" საშინაო მატჩში ითამაშებს.