რაფინია "ბეტისში" გადასვლასთან ახლოსაა

RAC1-ზე დაყრდნობით, Marca ავრცელებს ინფორმაციას, რომ რაფინია ალკანტარას მამა და აგენტი, მაზინიო, სევილიაში ჩავიდა. ის "ბეტისთან" მოლაპარაკებებს აწარმოებს. 

წარმატებული პრესეზონის მიუხედავად, რაფინია ერნესტო ვალვერდეს გეგმებში არ შედის და კლუბი ოპტიმალურ ვარიანტად მის იჯარით გაშვებას მიიჩნევს. 

ბრაზილიელმა ნახევარმცველმა გასული სეზონის მეორე ნაწილი იჯარით მილანის "ინტერში" გაატარა, სადაც მშვენიერი შთაბეჭდილება დატოვა, პირველი ნახევარი კი ტრავმის გამო თითქმის მთლიანად გამოტოვა.