ტერ შტეგენმა ჟორდი მასიპს ლა ლიგაში დაბრუნება მიულოცა

"ბარსელონას" კიპერმა, მარკ-ანდრე ტერ შტეგენმა ჟორდი მასიპს ახალ გუნდთან ერთად პრიმერა დივიზიონში ამოსვლა და "ვალიადოლიდში" მის წინააღმდეგ კარგი თამაში მიულოცა. 

"ლა ლიგაში შენი ხელახლა ხილვა დიდი პატივი და სიამაყეა. მიხარია, რომ წარმატებას მიაღწიე, როგორც შესანიშნავმა ადამიანმა. მთელი სეზონის მანძილზე წარმატებებს გისურვებ, ისე გააგრძელე, როგორც ჩვენთან ითამაშე!" - ვკითხულობთ ტერ შტეგენის პოსტში Twitter-ზე.

მარკი და მასიპი "ბარსაში" თანაგუნდელები 3 სეზონის განმავლობაში იყვნენ. 2014 წელს, როცა გერმანელი "ბარსელონაში" მიონხენგლადბახის "ბორუსიიდან" გადმოვიდა, ჟორდი სარეზერვო გუნდიდან დააწინაურეს. 2017 წლამდე, მას კატალონიურ გუნდში მესამე მეკარის პოზიცია ეკავა.