მეტოქეების კალენდარი "ბარსელონასთან" თამაშის დროს
ჩემპიონთა ლიგაზე "ბარსელონასთან" დაპირისპირების დროს ყველაზე ადვილი კალენდარი "ტოტენჰემს" აქვს, ხოლო ყველაზე რთული - პსვ-ს.
ტოტენჰემი
ლონდონური კლუბი, "ბარსელონას" მასპინძლობამდე "ჰადერსფილდს" სტუმრად დაუპირისპირდება, ხოლო შემდეგ "კარდიფს" საკუთარ მოედანზე.
ბარსელონაში გასამართ განმეორებით დაპირისპირებამდე "დეზები" "ლესტერს" ეწვევიან, შემდეგ კი "ბარნლის" უმასპინძლებენ.
პსვ
პსვ, ჩემპიონთა ლიგის პირველ ტურში "კამპ ნოუზე" თამაშამდე "დენ ჰააგს" სტუმრად, ხოლო შემდეგ "აიაქსს" საკუთარ მოედანზე შეხვდება.
საკუთარ კედლებში გასამართ განმეორებით თამაშამდე ეინდჰოვენელები "ჰეერენვენს" უმასპინძლებენ, შემდეგ კი "ფეიენორდს" ეწვევიან.
ინტერი
მარტივად საქმე არც "ინტერს" აქვს. "კამპ ნოუზე" თამაშის წინ "ნერაძური" თანაქალაქელ "მილანს" უმასპინძლებს, შემდეგ კი "ლაციოს" ეწვევა.
"ბარსელონასთან" "სან სიროზე" გასამართი დაპირისპირების წინ მილანელები "ჯენოას" უმასპინძლებენ, შემდეგ კი "ატალანტას" ეწვევიან.
ამ სიახლეზე კომენტარები გათიშულია.
კომენტარები [ 4 ]