ლეო მესი ახალ რეკორდს უმიზნებს

ჩემპიონთა ლიგის წილისყრამ "ბარსელონას" "ინტერთან" და "ეინდჰოვენთან" ერთად "ტოტენჰემი" შეახვედრა. ლონდონური კლუბის წინააღმდეგ, კატალონიელთა ლიდერს, ლიონელ მესის ახალი რეკორდის დამყარების შანსი ექნება. 

მესის აქამდე 4 ინგლისური კლუბის, "მანჩესტერ სიტის", "მანჩესტერ იუნაიტედის", "ჩელსის" და "არსენალის" წინააღმდეგ უთამაშია. არგენტინელმა ოთხივეს კარში შეძლო გოლის გატანა. თუ ის ამას "ტოტენჰემთანაც" გააკეთებს, გახდება პირველი ფეხბურთელი, რომელსაც პრემიერ ლიგაში თამაშის გარეშე 5 ინგლისური გუნდისთვის გატანას მოახერხებს. 

ინგლისელებიდან ერთადერთი, რომელმაც მესის წინააღმდეგ თამაშისას კარი მშრალად შეინახა, "ლივერპულია". თუმცა, აღსანიშნავია, რომ ეს 2007 წელს მოხდა, მაშინ, როცა "ბარსელონას" მომავალი კაპიტანი მხოლოდ 20 წლის იყო.