ცვლილებები "ბარსელონას" ხელმძღვანელობაში

"ბარსელონას" პრეზიდენტის, ჟოზეპ მარია ბართომეუს წარდგენის შემდეგ, დირექტორთა საბჭომ, საკუთარ რიგებში, რამდენიმე ცვლილება განახორციელა.

დირექტორთა საბჭოს სამი ახალი წევრი შეემატა. ტერეზა ბაზილიო მონე კულტურის დარგს ჩაუდგება სათავეში; მარტა პლანა დროპესი "ბარსას" ინოვაციურ ჰაბს უხელმძღვანელებს; ჟორდი არხემი პუჩი კი ხელბურთის სექციის ხელმძღვანელი იქნება.

დირექტორთა საბჭოს ახალი შემადგენლობა, კლუბის წევრებმა, მომდევნო მორიგ გენერალურ ასამბლეაზე უნდა დაამტკიცონ.

კლუბის ხელმძღვანელობაში ასევე განხორციელდა შემდეგი ცვლილებები: ჟორდი მოისი და ენრიკე ტომბასი მე-3 და მე-4 ვიცე-პრეზიდენტებად დაინიშნენ. დიდაკ ლი "ბარსელონას" ფონდის საბჭოს წევრი აღარ იქნება და ის მოღვაწეობას კლუბის ციფრული მიმართულების დეპარტამენტში განაგრძობს.