მინო რაიოლა პოგბას შეპირდა, რომ ესპანურ გუნდში გადაიყვანს
ინგლისურ პრესაში გავრცელებული ინფორმაციის თანახმად, "მანჩესტერ იუნაიტედის" ფრანგ ნახევარმცველს, პოლ პოგბას მისი აგენტი მინო რაიოლა შეჰპირდა, რომ მიმდინარე სეზონის ბოლოს მის ესპანეთის ჩემპიონატში გადასვლას უზრუნველყოფს.
ცნობილია, რომ 25 წლის ფეხბურთელი "წითელ ეშმაკებში" თავისი ყოფით უკმაყოფილოა. მისით "ბარსელონაა" დაინტერესებული და ვრცელდება ცნობები, რომ კატალონიურ კლუბში გადასვლის წინააღმდეგი არც თავად პოგბაა.
ბრიტანული Mirror, Manchester Evenings News-ზე დაყრდნობით, ავრცელებს ინფორმაციას, რომლის თანახმადაც, მინო რაიოლა პოლ პოგბას შეჰპირდა, რომ მომდევნო ზაფხულში რომელიმე ესპანურ გუნდში გადაიყვანს.
პოგბას ტრანსფერის ფასისა და მისი სახელფასო მოთხოვნის გათვალისწინებით, ძნელი წარმოსადგენია, რაიოლას "ბარსელონასა" და "რეალის" გარდა სხვა გუნდი ეგულისხმოს.
ბოლო ცნობებით, "ბარსელონას" სურს პოგბა იანვარში იჯარით აიყვანოს და ის ზაფხულში გამოისყიდოს.
ამ სიახლეზე კომენტარები გათიშულია.
კომენტარები [ 13 ]