"ბარსელონა" საულით დაინტერესდა

ესპანურ პრესაში გავრცელებული ინფორმაციის თანახმად, კატალონიის "ბარსელონამ" თვალი მადრიდის "ატლეტიკოს" ერთ-ერთ ლიდერს, საულ ნიგესს დაადგა.

23 წლის ნახევარმცველი მარიდულ გუნდში კარგ შთაბეჭდილებას ტოვებს, თუმცა Mundo Deportivo-ს ცნობით, საულის მიერ ესპანეთის ნაკრებში ამ თვეში ნაჩვენებმა ბრწყინვალე თამაშმა კატალონიელთა მხრიდან ფეხბურთელით ინტერესი კიდევ უფრო გაზარდა.

საულის კატალონიურ კლუბში ტრანსფერი მრავალ პრობლემასთანაა დაკავშირებული, თუმცა მათგან ყველაზე მთავარი ესპანელი შუახაზელის გამოსასყიდი თანხაა, რომელიც 134 მილიონ ევროს შეადგენს. "ბარსელონაში" ეჭვობენ, ღირს თუ არა ნიგესი ამხელა თანხა.

გავრცელებული ცნობებით, კატალონიელები საულის თამაშს კიდევ დააკვირდებიან და გადაწყვეტილებას მომდევნო ზაფხულში მიიღებენ.