ლიონელ მესის რეკორდები პსვ-სთან მატჩში

"ბარსელონას" კაპიტანი რეკორდების დამყარებას აგრძელებს. ლეო მესიმ ჩემპიონთა ლიგის გახსნით მატჩში ჰეთ-თრიქი შეასრულა. ეს მე-8 შემთხვევა იყო, როცა არგენტინელმა ლიგის ერთ თამაშში 3 გოლი გაიტანა, ასეთი მაჩვენებელი კი სხვას არავის აქვს. 

პირველი გოლი მესიმ საჯარიმო დარტყმით შეაგდო და ისტორიაში მეორე ფეხბურთელი გახდა, რომელმაც ზედიზედ მე-14 ევროპულ სეზონში მოახერხა გატანა. ასევე, ეს იყო ლეოს მერვე გოლი ჯარიმიდან 2018 წელს, რაც მისი საუკეთესო შედეგია და ახლა, მას ნებისმიერ სხვა მოთამაშეზე 10-ით მეტი ჯარიმა აქვს გატანილი.