"ბარსელონა" დავიდ ლუისით დაინტერესდა

კატალონიურ "ბარსელონას" ლონდონის "ჩელსის" ცენტრალური მცველის, დავიდ ლუისის უფასოდ გაფორმება სურს.

"ლურჯ-ბროწეულისფერები" ბრაზილიელი მოთამაშით არიან დაინტერესებულები და მზად არიან ფეხბურთელი სეზონის დასრულებისას მოიწვიონ, როდესაც მას თავისუფალი აგენტის სტატუსი ექნება, იტყობინება Express.

31 წლის ლუისი, რომლის კონტრაქტიც მომავალ ზაფხულში იწურება, ლონდონურ კლუბთან ახალ ხელშეკრულებაზე ჯერ-ჯერობით არ შეთანხმებულა და ზამთარში ნებისმიერ კლუბთან მოლაპარაკებების დაწყების უფლებას მიიღებს. 

ანტონიო კონტეს მწვრთნელობის დროს ხშირად მიდიოდა საუბარი "სტემფორდ ბრიჯიდან" ბრაზილიელის წასვლის შესახებ, თუმცა ინგლისელთა ამჟამინდელი დამრიგებელი, მაურიციო სარი დავიდ ლუისს ძირითადი შემადგენლობის წევრად მოიაზრებს.