დემბელემ, შესაძლოა, "ბეტისთან" მატჩი გამოტოვოს

მოგეხსენებათ, რომ კატალონიის "ბარსელონას" ახალგაზრდა ფრანგმა ვინგერმა, უსმან დემბელემ გასტროენტერიტის გამო დღევანდელი სავარჯიშო სესია გამოტოვა.

21 წლის ფრანგი ფეხბურთელის თამაში ლა ლიგის მე-12 ტურის მატჩში, "რეალ ბეტისის" წინააღმდეგ, კითხვისნიშნის ქვეშ დგას, ექიმები არ არიან დარწმუნებულნი, რომ დემბელე კვირამდე გამოჯანმრთელებას მოასწრებს.

დემბელეს გარდა "ბეტისთან" მატჩში ერნესტო ვალვერდეს ფილიპე კოუტინიოც დააკლდება, თუმცა მალკომი მზადაა მათი დანაკლისი შეავსოს.

დემბელემ ლა ლიგის მიმდინარე სეზონში "ბარსელონას" მაისური 11 მატჩში მოირგო, მან მეტოქის კარი 4-ჯერ დალაშქრა და ერთხელაც საგოლე გადაცემა გააკეთა.