კოუტინიომ ხელმძღვანელობას ჰარი კეინის შეძენა სთხოვა
"ბარსელონას" ნახევარმცველს, ფილიპე კოუტინიოს სურს, რომ კლუბმა "ტოტენჰემის" თავდამსხმელი, ჰარი კეინი შეიძინოს, იტყობინება Don Balon.
წყაროს ცნობით, ბრაზილიელი ინგლისელს მსოფლიოს საუკეთესო ცენტრფორვარდად მიიჩნევს და დარწმუნებულია, რომ ის ლუის სუარესის შეცვლის შესანიშნავი კანდიდატია.
კოუტინიომ კეინის გაფორმების სათხოვნელად "ბლაუგრანას" ხელმძღვანელობას მიმართა. ბრიტანელის ტრანსფერს ასევე "ბარსელონას" კაპიტანი, ლიონელ მესიც ემხრობა.
მიმდინარე სეზონში, ჰარი კეინმა, "ტოტენჰემის" მაისურით, ყველა ტურნირზე, 17 მატჩი ჩაატარა, გაიტანა 11 გოლი და გააკეთა ერთი შედეგიანი გადაცემა. მისი კონტრაქტი ლონდონურ კლუბთან 2024 წლამდე მოქმედებს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]