"ბარსელონას" ოფიციალური განცხადება რაფინიას ოპერაციაზე

ცნობილი გახდა, თუ როდის გაუკეთებენ "ბარსელონას" ტრავმირებულ ნახევარმცველს, რაფინია ალკანტარას ოპერაციას.

როგორც კატალონიური კლუბის ოფიციალურ ვებგვერდზე წერია, ბრაზილიელ მოთამაშეს ქირურგიული ჩარევა 4 დეკემბერს ჩაუტარდება.

შეგახსენებთ, რომ რაფინიას მარცხენა მუხლის ჯვარედინა მყესების დაზიანება აღმოუჩინეს. აღდგენითი პროცესი 6-დან 8 თვემდე ვადას მოიცავს.

მიმდინარე სეზონში მან "ბარსელონას" მაისურით, ყველა ტურნირზე, 8 მატჩი ჩაატარა და 1 გოლი გაიტანა.