"ბარსელონა" "ბენფიკას" 5 მილიონს გადაუხდის

"ბარსელონას" ლისაბონის "ბენფიკასთვის" 5 მილიონი ევროს გადახდა მოუწევს მას შემდეგ, რაც ნელსონ სემედუ, კატალონიური გუნდის მაისურით, 50-ე შეხვედრას ჩაატარებს, ეს კი ძალიან მალე მოხდება.

პორტუგალიელი მარჯვენა მცველი "ბენფიკადან" "ბარსელონაში" 2017 წელს, 30.5 მილიონი ევროს სანაცვლოდ გადავიდა. Mundo Deportivo-ს ცნობით, გარიგება 5-მილიონიან ბონუსსაც ითვალისწინებდა იმ შემთხვევისთის, თუ სემედუ კატალონიურ გუნდში 50 თამაშს ჩაატარებდა.

სემედუს ანგარიშზე უკვე 49 თამაშია და ხელშეკრულებით გათვალისწინებული ზღვრის მიღწევამდე ერთი თამაშიღა დარჩა.

იმის გათვალისწინებით, რომ სერჟი რობერტო ტრავმირებულია და სემედუ "ბარსას" ერთადერთი ჯანმრთელი მარჯვენა მცველია, კატალონიელებს 5 მილიონის გადახდის ვალდებულება უკვე კვირას "ვილიარეალთან" გასამართი მატჩის შემდეგ უნდა წარმოეშვათ.