უსმან დემბელეს ერთ თვემდე დისკვალიფიკაცია ემუქრება

კატალონიური Sport-ის მიერ გავრცელებული ინფორმაციით, "ბარსელონა" გუნდის ახალგაზრდა ფრანგი შემტევის, უსმან დემბელეს დასჯას აპირებს.

დღეს ცნობილი გახდა, რომ 21 წლის ფეხბურთელმა ვარჯიშზე დაახლოებით 2 საათით დააგვიანა. ამან, ბუნებრივია, კლუბის წარმომადგენლების უკმაყოფილება გამოიწვია.

ადგილობრივი პრესის ცნობით, "ბარსელონას" შეუძლია ფეხბურთელს 2-დან 10 დღემდე დისკვალიფიკაცია მისცეს და მას ხელფასის მაქსიმუმ 7% დაუქვითოს, ხოლო თუ კატალონიელები ჩათვლიან, რომ დისციპლინის დარღვევა განსაკუთრებით მძიმეა, დისკვალიფიკაცია, შესაძლოა, ერთთვიანიც კი იყოს.