კრუიფი დე ლიგტსა და დე იონგს: "ბარსელონა" მეტ უსაფრთხოებას გთავაზობთ
ლეგენდარული ჰოლანდიელის, იოჰან კრუიფის შვილი ხორდი კრუიფი, თავის ახალგაზრდა თანამემამულეებს, ფრენკი დე იონგსა და მატიას დე ლიგტს "ბარსელონაში" გადასვლას ურჩევს იმის მიუხედვად, თუ ვინ რამდენ ფულს სთავაზობს და რომელ გუნდს ვინ წვრთნის.
"ფულს მნიშვნელობა არ აქვს როდესაც ინტერესს პსჟ და "მანჩესტერ სიტი" იჩენენ, რადგან რომელიც არ უნდა აირჩიო, მაინც მოგებული რჩები.
მნიშვნელოვანია, სწორი გადაწყვეტილება მიიღო. პეპ გვარდიოლა დე იონგისა და დე ლიგტისთვის იდეალური მწვრთნელია, მაგრამ რა მოხდება, როდესაც ის გუნდიდან წავა? გააკეთებს "სიტი" იგივე სტილზე აქცენტს? ან რა მოხდება, თუ პსჟ-ს მფლობელებს ფეხბურთი მობეზრდებათ?
ამ მხრივ, "ბარსელონა" მეტ უსაფრთხოებას გთავაზობთ. არ აქვს მნიშვნელობა, ვინ იქნება მწვრთნელი ან პრეზიდენტი. კლუბის სპორტული პოლიტიკა უცვლელია. როგორც ფეხბურთელი, არასდროს ხარ დამოკიდებული იმაზე, თუ ვინაა მწვრთნელი." - ციტირებს კრუიფის სიტყვებს Sport.
ამ სიახლეზე კომენტარები გათიშულია.
კომენტარები [ 10 ]